100元玩转广府庙会！
本帖最后由 齐志公益 于 2018-3-6 12:36 编辑属于广州人嘅庆典——广府庙会正式开锣啦！一连7日带俾大家最粤式嘅吃喝玩乐活动！
好多人都会话广府庙会冇嘢玩D嘢又贵，咁係因为你未识玩！
小编就係今日行晒广府庙会超过100间铺头，帮大家总结出最好玩最抵食嘅超强攻略，跟住我哋gogogo啦！
究竟100蚊可以係广府庙会玩D咩？依家就话你知！
第一站嚟到北京路口嘅“广府手艺摊位”，延绵成条步行街，咪以为传统手艺就好枯燥，其实好多注入咗粤式精髓嘅创意手工艺品，行过路过一定要睇睇！
最后我哋拣咗
“老广新游”明信片（￥15蚊，内含10张）
舞狮乐高积木（￥25蚊）
属于广州10大最靓风景嘅手绘明信片，每一张都有晒广州本土味道，先为到1.5元一张，无论收藏定係寄俾朋友都好抵买！
舞狮公仔大家见得多，整成乐高积木就真係第一次见！既可以自己动手又可以作为摆设，砌完肯定成就感满满~
行完成条北京路饿饿哋，紧係要去广府庙会特设美食区觅食啦！我哋净翻60蚊预算，就睇下广府庙会抵唔抵食？！
惠福东路本身就好多美食，依家有埋美食街更加人山人海，小编建议大家错开正餐高峰期嚟觅食！
-美食街必食第一位-
港式太爷鸡（小编价￥15蚊一只）
小编出手就知有没有！原价18蚊一只嘅迷你太爷鸡，只要你同前后左右嘅阿姨搭个单，就可以30蚊买到2只！
虽然鸡嘅size有D迷你，但绝对食到你舔晒手指！
一人独霸一只鸡，绝对抵食过通常嘅乳鸽！
-美食街必食第二位-
顺德三宝（鲮鱼角、鱼皮饺、鱼腐）（￥10蚊一碗）
睇落平平无奇嘅顺德三宝，竟然俾到小编高潮！粒粒咬落弹牙爽口，好多阿姨专登买一大包翻去慢慢叹，就知有几正啦！
-美食街必食第三位-
香煎鸡扒（￥15蚊）
购自蒙地卡罗嘅香煎鸡扒，15蚊就有一只大鸡髀，份量口味都性价比高！
-美食街必食排名不分先后-
原只橙皮雪蛤炖蛋（￥12蚊）
美容养颜，止咳化痰讲噶就係橙皮炖雪蛤，各位靓女不妨去买只试试，虽然蛋唔够滑，但橙味都係十足够嘅！
陈添记鱼皮（￥26蚊）
陈添记鱼皮，好味，份量足！但值得係美食街食吗？唔怕排队都值得嘅。——小编后感
碗仔翅（￥15蚊）
係美食街出现最多次数嘅碗仔翅，有分普通版同豪华升级版，未试匀每个摊位嘅小编唔敢话边间最好，中规中矩不妨试下。
避风塘猪肠卷（￥15蚊两条）
食街最便最饱肚非猪肠卷莫属！食完小食未够饱就肯定要买盒顶肚啦~
菊花莲心膏（￥12蚊）
食咗咁多热气嘢，嚟翻碗凉粉够晒降火！又可以清肠胃，又可以解油腻，不过怕苦的最好叫靓女俾多D蜂蜜哦~
100蚊！啱啱好100蚊！
2份手信+8款小食，小编係广府庙会只花了100蚊，就玩足成日！
（小食足够小编同行2人食到饱！）
明信片——15蚊舞狮积木——25蚊太爷鸡——7.5蚊顺德三宝——5蚊陈添记鱼皮——13蚊碗仔翅——7.5蚊香煎鸡扒——7.5蚊橙皮雪蛤炖蛋——6蚊猪肠卷——7.5蚊菊花莲心膏——6蚊
合计=100蚊
广府庙会可以玩足成日肯定唔止咁少嘢玩啦，斋北京路商圈就已经有4大主题区域等你来！
手工艺摊位
今年庙会嘅非物质文化遗产展示摊位喺北京路南段同中段。
分为岭南精粹同埋南北荟萃两个部分。上北下南，包罗万有！
平时喺广东台睇到关于广彩、广绣等等嘅记录片就睇得多啦，但系喺广府庙会就可以亲身近距离感受广州独有嘅文化遗产！
极具广府味道嘅手工艺品更系多箩箩啊！小编想全部带翻屋企！
仲有其他来自北京、四川嘅文化手艺喺广府庙会都可以睇到！
惠福美食区
今日嘅惠福东路同以往有D唔同，就系比以往更加多美食啊！
其实小编今日嚟庙会嘅首要目标就系要“扫街”！
有好多小食平时唔係咁易食到，要东奔西扑咁揾食，今次喺庙会可以一次过食到！
美食区有好多“功夫”嘢，价钱都算公道，真系值得一试！
创市集
创市集独占咗成段北京路北段！
今年嘅创市集係一班年轻人随住自己嘅兴趣而创办嘅摊位。有好多有趣小玩意都系手工制造！
哩班创意人越来越后生，因为好多都系儿童创作噶！
动漫庙会
今年动漫庙会喺东方文德举办。
广府地区作为国内动漫产业领跑先锋，拥有众多领先全国的一流动漫企业以及优秀动漫艺术家，被人们美誉为“中国动漫之都”。
主要展现原创动漫文化，支持同发扬原创动漫文化！
现场仲有好多cosplay靓女，真系扮到一模一样！
现场有互动游戏，有机会赢取丰富奖品！
一班年轻人为自己中意嘅动漫大显身手！
小编到大佛寺同城隍庙逛咗一圈，因为实在太多人所以就冇行入去啦！不过！有一个重大秘密要讲！就系喺城隍庙入面买风车平好多！
广府庙会分会场分布地图
页:
[1]