广州公益网

标题: 十蚊就可以食一餐饭~ [打印本页]

作者: Mia酱 时间: 2017-7-1 15:09
标题: 十蚊就可以食一餐饭~
原标题：十蚊鸡的大学饭堂美食~ 你值得拥有！
每日烦住我哋嘅最大问题肯定係
“点啊~今日中午食乜？”
“好烦啊，我唔知食乜好！"

(, 下载次数: 114)

语音未落大家已经纯熟咁打开自己嘅外卖apps，跟住进行一轮纠结搜索~（日复一日）
(, 下载次数: 109)
焖鸭饭30+ 排骨饭30+ 叉烧饭25+ 白切鸡饭25+ 鸡腿饭30+ 牛腩饭30+ ...
物价飞涨嘅时代，随随便便一餐饭都20+
此时此刻，知悭识俭嘅我，好挂住以前嘅大学饭堂，几蚊鸡就可以依饱肚嘅日子！
(, 下载次数: 88)

众所周知，大学饭堂係出咗名：“大件夹抵食”  、  “平，靓，正”
仲记得大学时期，10蚊鸡食餐饭都可以话係奢侈啦，真系好怀念啊~只怪当时身在福中不知福呜呜~
(, 下载次数: 103)
所以今次，小编就带住10蚊鸡！10蚊鸡！
带领大家，寻找大学饭堂最抵美食，拾回当年那份味道~ 并决意要将隐姓埋名嘅饭堂，重出江湖！

(, 下载次数: 117)
华南农业大学
(, 下载次数: 115)

(, 下载次数: 105)

华农有五个饭堂（芷园、绿榕园、荷园、稻香园、西园、莘园），其中绿榕园作为对外开放嘅饭堂之一，未到饭点就开始人头涌涌，称得上为“外来人最受欢迎饭堂”。

(, 下载次数: 101)
▼绿榕园▼

(, 下载次数: 88)
年龄最细、环境最好、包容性最强嘅饭堂，
当然连出品都係最良心同最深得人心！

(, 下载次数: 92)

(, 下载次数: 109)
鸡比￥6  番茄炒蛋￥2.5 总价￥8.5
(, 下载次数: 100)
6蚊一只手掌咁大嘅鸡比！而且佢烤得十分之均匀，铺满芝麻后嘅鸡比，远远就闻见香味啦！再搭翻个番茄炒蛋酸酸甜甜，又开胃又解腻。

(, 下载次数: 104)
我仲发现好多学生都好钟意打包只鸡比翻宿舍慢慢叹~有时仲会带多只添，可能係因为“鸡比打人牙较软”哈哈。
当然，如果你食饭嗰时再搭配个汤或者杯酸奶，可以话更加之满足同完美啦~
(, 下载次数: 98)

紫菜蛋花汤￥1.5

用料超级足！满满嘅一大碗！
可谓最良心出品！
(, 下载次数: 89)

鸡爪木瓜汤￥2

每碗汤都係有料到嘅，绝对无敷衍了事!我觉得仲好入味~
(, 下载次数: 88)

华农酸奶￥2.5

华农学子最自豪嘅华农“特产”，食餐饱饭后整翻支舒缓下，爽！
(, 下载次数: 104)
一个华农嘅同学仔讲过，“如果你喺华农加多一两蚊，你可以晋升到另一个食饭境界了。”
我听完之后表示非常羡慕，因为喺学校出面加多一两蚊去食餐饭根本乜都改变唔到！（摊手+绝望）
♥付款方式：可买饭票（加收20%服务费）
♥地址：天河区五山街五山路483号

(, 下载次数: 95)
华南理工大学
(, 下载次数: 99)

五山校区
(, 下载次数: 107)

华工本部竟然有七个饭堂（东区饭堂、南区饭堂、西区饭堂、北区两个饭堂、中区饭堂、清真饭堂）

(, 下载次数: 93)
▼东区一饭堂▼

(, 下载次数: 92)
因为就喺小门隔离，所以都有好多外来人（例如我）贪方便贪平嚟东区一饭堂食饭。
相比一楼，饭堂二楼嘅环境宽敞舒适，就连菜式都比较别致。
(, 下载次数: 111)

虾￥7 鱼蛋￥5 蛋￥3 木耳￥3 总价￥10

人均10蚊，有肉有菜有汤！睇上去细细碟咁，但係份量十分之足，我哋两个人吃得相当饱。如果几个朋友一齐嚟食，仲更加抵！

(, 下载次数: 104)
饭堂都係良心企业之一，一碟虾多过菜嘅餸喺出面已经少之又少了。而且重点係好好味！一只又一只根本停唔到口！

(, 下载次数: 111)
有肉丸有支竹有青瓜，满满一大碗。先五蚊！
另外窗口仲有好多唔同嘅菜式，任君选择，价格3-7蚊不等。就连饭都有三个种类可以拣！
(, 下载次数: 87)
人均10蚊就食到摊摊腰！而且味道，健康，卫生方面都好过出面嘅快餐店。
♥付款方式：可买饭票，刷校园卡
♥地址：广州市天河区五山路381号

大学城校区
(, 下载次数: 94)
华工南校区（大学城校区）有三个饭堂，一饭、二饭、精通餐厅。

(, 下载次数: 108)

▼第一饭堂▼
因为一落天桥就係一饭，所以佢嘅人流量最多，同埋好多协会都会选择喺一饭摆摊。
“一饭一楼自选菜式嘅叔叔阿姨都好好人，每次都会比好多，唔怕食唔饱！”排我前面嘅同学仔好开心咁讲。

(, 下载次数: 88)

白切鸡，薯仔煮鸭两肉一菜￥10

白切鸡嘅料好正，而薯仔蒸鸭就好嫩，好入味。价格公道，味道都好公道！怪唔知得，深受咁多同学仔喜爱啦~

(, 下载次数: 106)
大大啖肉，绝无虚假。特别一提，一饭仲可以免费打汤，取免费嘅小菜，真係名副其实嘅“大件夹抵食”！不过大家要适量，千其唔好浪费食物喔。

♥付款方式：可买饭票，刷校园卡
♥地址：广州市番禺区外环东路382号

广东外语外贸大学

(, 下载次数: 115)
位于大学城嘅南校区一共有三个饭堂（文采园、博雅园、风采园）

(, 下载次数: 103)
▼文采园一饭▼

(, 下载次数: 111)
学校三个饭堂中，一饭係面积最大、价格最实惠、人气最旺嘅饭堂！

(, 下载次数: 100)
海宝烧腊当之无愧係一饭嘅“网红店”，每次到饭点都排晒长隆嘅！又抵食又好食！

(, 下载次数: 95)

烧鸭饭¥8 咸蛋¥1 总价¥9

烧腊作为广府特色，所以几乎每间学校都会见到佢嘅踪影，而广外海宝嘅烧腊分量超足！
旧旧烧鸭都係真材实料，而且8蚊一碟厚切烧鸭饭係得学校饭堂先有~出面已经好难搵到啦。

(, 下载次数: 116)
鸭肉肉质肥而不腻、皮脆肉香，一啖咬上去韧劲十足，非常有住家菜嘅感觉~回想翻大学时期嘅我，永远都食唔厌嘅就只有烧腊饭了！
♥付款方式：只能刷校园卡（同学仔都好nice！一开句声就会帮手刷卡~）
♥地址：广东省广州市番禺区外环东路250号

广东工业大学

(, 下载次数: 91)
大学城公认最好食嘅两间饭堂，其中广工就榜上有名！另外嗰间係国家重点补贴的中大饭堂。
广工有五个饭堂（一饭二饭喺东区，三饭四饭喺西区）
(, 下载次数: 92)
▼东区一饭堂▼

(, 下载次数: 85)
名副其实嘅工科学校，饭堂80%都係男同学，同埋饭堂嘅装修好高大上，令我眼前一亮~

(, 下载次数: 99)
现点现做嘅铁板菜，离远就已经见到佢嗰团火，闻到佢阵香味~

(, 下载次数: 115)

铁板鸡杂饭￥9

师傅两秒单手打蛋，纯熟淋一圈酱汁，最后用大火收尾。
浓浓嘅酱汁配上鸡杂同鸡蛋，香气未到手就已经要溢出！
如果你中意食溏心蛋，或者走洋葱之类嘅都可以同热心嘅饭堂师傅讲声，佢地都会满足你嘅要求~

(, 下载次数: 86)

(, 下载次数: 104)
可能係因为男仔多，师傅习惯落重手，饭一掀开发现下面都係满满嘅鸡杂！
一入口先係包裹在外酱汁嘅甜味，甜而不腻，再慢慢有鸡味。

(, 下载次数: 84)
想显示铁板份量好足，试咗几啖后小编决定将佢打包，发现成个饭盒都装满！勉强合埋！
“饭多，肉多，菜多，价钱平” 如果出面有间咁嘅9蚊铁板烧，我肯定日日都排晒长龙！
♥付款方式：可买饭票，刷校园卡
♥地址：广州市番禺区大学城外环西路100号

广州大学

(, 下载次数: 98)
广大有三个饭堂（兰苑、梅苑、菊苑），仲有一个超多小饭店合集嘅商中！

▼菊苑▼

(, 下载次数: 90)
离男生宿舍最近嘅饭堂。所以嚟菊苑90%都係汉子，饭堂入面大碗菜印象係最深刻嘅！
两菜三肉只要7蚊！而且分量多到，两个女仔食一份就够了。

(, 下载次数: 91)

南方美食大碗菜￥7

虽然係价格平，但分量依然係足！饭堂阿姨比咗好多鱼片，连底汤都饮到有浓浓嘅鱼味。

(, 下载次数: 90)
一碗咁抵嘅饭，绝对称得上係男生 “一个人狂欢”嘅必备良品。旁边仲配有好多酱料比你调味，有辣有唔辣，任君选择。

(, 下载次数: 97)
食完热辣辣嘅大碗菜，再去小卖部整翻支3蚊鸡嘅“大麻茶”。顿时燃起一股属于夏天嘅快感！ 10蚊鸡就可以一次过满足晒三个愿望！你话抵唔抵~
♥付款方式：可买饭票，刷校园卡
♥地址：广州市番禺区大学城外环西路230号

广东中医药大学

(, 下载次数: 100)
广中医（大学城校区）有两个饭堂（第一食堂和第二食堂）
**另外因为同广药挨得近，所以同学仔平时都中意去蹭（搭）饭（食）~
相比起第一食堂，第二食堂会更大，种类更多更全，当然连环境都比较好。
(, 下载次数: 108)
▼第二食堂▼

(, 下载次数: 128)

(, 下载次数: 107)

四宝荷叶饭￥10

人气颇高嘅荷叶饭！果然係清香扑鼻，每一粒米饭都浸染了荷叶嘅香气，里面嘅肉非常之入味，米饭软糯。

(, 下载次数: 95)
十蚊嘅四宝饭就由四种唔同嘅材料组成，基本上全部都係肉！而且档口仲可以“免费加饭，免费加汤”！
**喺广中医嘅饭堂食饭，可以用校园卡，可以用大学城一卡通，可以用现金购票（唔加收服务费），个别窗口仲支持电子支付（微信支付、支付宝支付）。小编个荷叶饭就係用微信支付，方便又快捷~
♥付款方式：乜都得！
♥地址：广州市番禺区大学城外环东路232号

暨南大学

(, 下载次数: 96)
暨大本部只得一个饭堂，共有三层。一楼：第一食堂二楼：第五食堂三楼：第三食堂

(, 下载次数: 95)
▼第一食堂▼

(, 下载次数: 88)
以大众伙食、精致小炒为主。自选菜式有荤有素，1蚊到5蚊不等。

(, 下载次数: 88)

鱼￥4 蒸水蛋￥3 青瓜抄肉￥2.5 总价¥10

暨大嘅自选菜式应该係最平，最丰富嘅。一个个牌挂喺上面，话比你知，今日有乜菜品，几多钱，简简单单一目了然。10蚊就可以令你食撑！饭堂必点蒸水蛋，混住饭一齐食会特别开胃。

(, 下载次数: 92)
肉多刺少，柔嫩味鲜而且鱼肉营养价值好高。为咗学生嘅健康成长，学校都好大方，所以一份鱼基本就有半条咁多！嗰仲久违嘅饭堂味道即刻翻晒嚟~
♥付款方式：可买饭票，刷校园卡
♥地址：广州市天河区黄埔大道西601号

(, 下载次数: 94)
试咗咁多间最念念不忘嘅係：
广工嘅铁板鸡杂饭性价比最高嘅係：广大嘅7蚊鸡大碗菜环境最佳嘅饭堂係:广东工业大学一饭堂
可能，大家都曾经抱怨过自己学校嘅饭堂好难食。殊不知，最好味嘅、最大份嘅、最抵嘅、最安全嘅一份饭喺出面已经搵唔到了~
饭堂，嗰种味道，嗰种习惯，嗰份情怀。係我或者你哋都会一直留恋嘅。
小编以前最中意喺饭堂食嗰一大煲嘅小鸡煲，仲有嗰碗乜料都有嘅烧仙草！

唔知你有无特别挂住，或者你认为最抵食嘅饭堂美食呢？

来源：微信公众号广州正嘢

欢迎光临广州公益网 (https://gzqz.org/)